Kriminal profeshonal ta muri riba kaya den Amsterdam

189
kriminal Cor a sinta kastigu pa poseshon di arma
AMSTERDAM—E kriminal profeshonal Cor vd T (49) a muri e siman aki di un paro kardiako segun su abogado.

Un shofùr di taksi a haña e hòmber morto riba kaya despues ku el a reserva un taksi. Den 2015 Cor a keda sentensiá na tres aña kastigu pasobra e tabata transportá arma den su outo. Ministerio Públiko ta sospechá ku e tabata envolví den diferente likidashon. Finalmente OM no tabatin sufisiente prueba pa duna korte. Den 2015 polis a haña diferente arma, inkluso armanan outomátiko ku munishon. Tambe e tabatin e aparato ‘jammer’ ku ta stroba tráfiko di telefòn i internet. Den e outo tabatin tambe kartanan ku informashon i fotonan di tres persona ku ta den investigashonnan di likidashon. Segun Parool ta trata di Baris Onder, rapper Jason L i su amigu Germaine R. Onder a keda asesiná den Amsterdam-Zuid, un luna despues di detenshon di Cor. Su viuda a keda asesiná den yuni di mesun aña. Cor a para riba ku e no tabata na altura ku tin arma den su outo, pero korte a duna sentensia tòg pa poseshon di arma.