Vesta i Inter/Willemstad a parti punto

92
WILLEMSTAD—E kampionato lokal di futbòl FFK, pa loke ta Promé divishon, a sigui ayera ku wega ku a hunga den Stadion Antoine Maduro na Kintjan. Tabata e ekiponan di Vesta i Inter/Willemstad ku a enfrentá otro. E wega, ku a keda dirigí pa rèfri Arthur Gosepa, a finalisá empatá na 2 gol, despues di a sosegá ku e ekiponan empatá na 1 gol.

 

Davidson Rosa a habri anotashon na di 16 minüt, dunando e ekipo di Kintjan bentaha, pa seguidamente Mirco Colina sòru pa e empate hungando 44 minüt den e parti inisial, pa asina e ekiponan a sosegá 1-1.

 

Seguidamente Vesta ta bai ariba, ora ku Ethelbert Daal anotá trempan den e parti komplementario, pa seguidamente Davidson Rosa anotá su di 2 gol di anochi na di 57 minut di wega, pa asina sòru pa e empate pa su ekipo.

 

Tabata den pitu ku rèfri ta ekspulsá Pontilius di Vesta, unda asina e ekipo dirigí pa Henry Caldera ta hunga ku un hungadó ménos, durante di e último momentunan di e wega.