Den Dungen un aña despues di eksploshon fatal

118
munisipio a laga será Outlet Tuincentrum
DEN BOSCH—Outlet Tuincentrum na Den Dungen (Den Bosch) a keda será for di ayera pa un aña despues di un insidente ku eksploshon fatal.

Esaki despues ku dia 25 oktober 2019 a haña un víktima fatal den un laboratorio di droga. A deskubrí e laboratorio di droga den Spekstraat despues di un eksploshon den oranan di anochi ku a kosta bida di un hòmber di 36 aña di Kerkrade. Dos hòmber di Kerkrade a keda detené pa nan envolvimentu den e laboratorio di droga. E kompania a keda habrí pero ayera munisipio a será esaki. Un di e sospechosonan a rekobrá su libertat entretantu. Tur dos hòmber tabata konosé e víktima. Probablemente e tabata trahando den e laboratorio ora algu a bai robes ku a okashoná e eksploshon. Polis i Explosieven Opruimingsdienst EOD a dura dos dia ku e investigashon den e laboratorio i su desmantelashon. Den e laboratorio tabata produsí droga. Segun polis tabata un laboratorio grandi.