Hòmber detené ku a drenta skol menasá alumnonan

143
polis a intervení na tempu
UTRECHT—Un hòmber konfundí a menasá alumnonan ku morto di un skol sekundario na Utrecht resientemente.

Segun un mama di un alumno e hòmber tabata grita ku e lo tira e muchanan mata. Segun un bosero di e skol e hòmber a kana drenta skol parti mèrdia na Parklaan kaminda el a hasi uso di idioma menasante. Dosentenan a guia e alumnonan pa despues polis detené e sospechoso. Polis a pidi asistensia di un helikòpter ku a bula riba e área di Utrecht pa e buska e sospechoso den Parklaan. RTV Utrecht ta bisa ku e sospechoso regularmente ta sinta riba un banki den serkania di e skol. Aprentemente algun alumno di e skol ta tenta e hòmber. Posiblemente esaki tabata kousa di su menasnaan.