26 presu ta hui for di un prizòn na Brasil

150
Un di e presunan a sa di keda detené bèk i ainda ta en buska pa sobrá nan.

BRASIL – Un total di 26 presu a hui for di un prizòn na e estado amazóniko di Acre, na e ekstremo nort di Brasil, bia di un buraku kobá den muraya di e prizòn.

E presunan ku a hui tabata detené den e kompleho Francisco d’Oliveira Conde, na e siudat di Rio Branco, kapital regional di Acre, i a sa di hui danki na yudansa di kabuyanan formá i mará na algun klechi kama.

Mas aleu a indiká ku un di e 26 prezunan ku a hui for di Acre, ya a sa di keda detené. Ta trata aki di un persona ku ta pertenesé na e gèng di Bonde dos 13, aliá na PCC, un grupo kriminal mas poderoso rònt e pais i gran parti di Sùit Amérika.

Despues di e suseso, outoridatnan mesora a reforsá e seguridat na frontera nan regional i a realisá inspekshon na tur e presunan i prizònnan di e estado.

E huida a keda produsí despues i ku fin di siman tabata hopi violento na e estado, kua ta figurá entre e 20 nan mas violento di e pais. Aki a sa di registrá un total di shete homisidio.

Solamente den luna di yanüari, Acre, na frontera ku Bolivia i Perú, a registrá 32 morto violento, mayoria motivá pa guera entre diferente gèng nan kriminal ku ta bringa pa ruta di tráfiko di droga na e region.