5 aña pa trafikashon 456 kilo kokaina

136
droga tin balor di 26 mion
UTRECHT—E siman aki korte di Utrecht a kondená kuater hòmber na kastigu di 5 aña pa trafikashon di kokaina i heroina.

E grupo a transportá for di un lots na Soest alrededor di 423 kilo di kokaina i 33 kilo di heroina. E demanda kontra e grupo tabata 6 aña. E kuater sospechosonan (34, 47, 49, 66) di Hilversum, Amersfoort, Zwaag i Heemskerk a keda detené 13 septèmber 2017 na Soest. Esaki despues di un melding di polis di vehíkulonan ku glas blindá ku tabata drenta sali e lots na Soest. A sinti un holó kímiko banda di e lots. Tambe por a mira kon tabata entregá un pakete di plaka. Den sèptèmber 2017 e sospechosonan a bandoná e lots den tres outo. Finalmente polis a detené e hòmbernan djis promé ku A28. Polis a haña e lote di droga ku tabata den un espasio sekretu den e vehíkulo ku tin un balor di 26 mion euro. Nan por a habri e espasionan ku un remote.