Céspedes a kuminsá kore pa pone su mes den kondishon

177
Na lugá di e 29 mion dòler ku Cespedes tabata bai gana den e último temporada di un kontrakt di kuater aña i 110 mion, el a keda solamente ku un garantia di  6 mion.

NEW YORK,– E honronero kubano di Mets, Yoenis Céspedes, ya a kuminsá  entrená pa  pone su mes den kondishon pa kuminsá hunga.

Riba su kuenta di Twitter Céspedes a publiká un video di su entrenamentu den e instalashonnan di e ekipo na Port St Lucie na Florida. kaminda ku e tabata kore, bati den batting cage i realisando atrapadanan di fantasia.Temporada 2020 lo por ta klave pa Céspedes. E strea di e ekipo di Queens no a mira akshon den Liga Grandi for di dia 20 di yüli di aña 2018, despues ku el a bai riba lista di hungadónan leshon.

Na kumindamentu di e luna aki, a surgi e informashon di ku ta trompeká el a trompeká den su finka na Port St. Lucie i ku ta esei a kousa e frakturanan na tur su dos ènkelnan ku a pone ku e honronero a pèrdè henter e kampaña di 2019.

E insidente aki a pone ku Mets mester a kambia e kontrakt di Céspedes pa e kampaña di 2020. Na lugá di e 29 mion dòler ku e veterano tabata bai gana den e último temporada di un kontrakt di kuater aña i 110 mion, el a keda solamente ku un garantia di  6 mion. Sin embargo, e montante lo por subi te na 11 mion si Céspedes logra bira parti di e roster di e ekipo di New York pa e Dia di Inougurashon, loke ta un meta ku e pelotero ta trahando riba dje, manera videonan ku el a subi riba retnan sosial ta mustra..