Maduro ta hasi yamada pa reformá relashon indestruktibel ku Cuba

120
Maduro, kende den oranan di ayera a indiká ku Cuba por konta ku Venezuela pa tur kos i pa semper.

CARACAS – E presidente di Venezuela, Nicolas Maduro, a hasi un yamada den oranan di ayera na su ministernan pa reformá e relashonnan ku Cuba, un vínkulo ku e ta konsiderá indestruktibel i ku el a indiká ku lo e sigui fortalesé e aña aki, na momentu ku ta kumpli dos dékada di koperashon entre ámbos paisnan.

Den tèrmino di e reunionnan, e representante di Maduro i di mandatarionan kubano, Miguel Diaz-Canel, a firma 21 konvenio di koperashon den materia energétiko, sosial, polítiko, edukativo, pero te ainda ta deskonosé e detayenan di tal akuerdo.

Maduro a rekordá ku despues di 20 aña di koperashon, a firma masoménos 1.400 akuerdo i awe tin kasi 25 mil kolaboradó kubano na Venezuela ku ta traha den áreanan di salú, edukashon, kultura i desaroyo kompartí.

Esaki a indiká ku e ta un koperashon pa desaroyo, pa bienestar, pa biná, pa pas i pa empoderá e pueblo.

E mandatario venezolano a konsiderá ku e relashonnan di e pais ku e isla ta indestruktibel i no por keda dañá. Esaki ademas a manda un mensahe pa Diaz-Canel, pa e por konta ku Venezuela pa tur kos i pa semper!