Abogadonan di famia nabil B ta stòp pa seguridat

160
hopi kos a bai robes ku seguridat 
ROTTERDAM—Algun abogado ku tabata duna asistensia hurídiko na famia di testigu prinsipal Nabil B a stop segun Het Parool.

Segun miembronan di konseho den ultimo añanan hopi kos a bai robes ku seguridat di tantu e famia komo e abogadonan mes kontra e grupo violento rondo di Ridouan Taghi. E abogadonan a konstatá ku e komunikashon riba e medidanan di seguridat struktural a kana robes, ku polis a divulge adres di famia i ku opservashonnan di miembronan di banda di Taghi no a keda registrá. For di mart 2018 famia di Nabil B ta kore peliger. 6 dia despues ku OM a presentá Nabil B komo testigu prinsipal den kaso kontra Taghi i 15 sospechoso pa diferente asesinato, Reduan B ku ta ruman di nabil a keda likidá den Amsterdam-Noord. E no tabatin protekshon. Despues di atvertensianan di Nabil B i su famia ku abogadonan tambe ta kore peliger, abogado Wiersum a keda asesiná dia 18 septèmber. Despues gobièrnu a tuma algun medidanan di seguridat. For di investigashon di risikonan di seguridat pa kantornan di abogado a result ku abogadonan mester a haña mas seguridat. Tabatin mas insidentenan ku polis ku a bai robes. Abogadonan ta preokupá ku e risikonan.