“Dj Tonchi pa bo” a bira Roadmanager nobo di Rei nan di kaya

268
E Roadmanager nobo di agrupashon musikal Rei nan di kaya.

WILLEMSTAD,—-Moveshon nan ta sigui tuma lugá den nos farándula lokal. For di djabièrnè tras di lomba ‘E Mulina’, a haña informashon ku gerente di agrupashon musikal Rei nan di Kaya, tabata den negoshashon ku “Dj Tonchi pa bo”, ku ta laborá na Radio 94.5 F.M.

‘E Mulina’, a drenta den e wikènt di tantu Festival di Tumba Hubenil i su dia despues inskripshon di Festival di Tumba grandi, esaki a pone ku nos a lubidá kompletamente riba e informashon ku nos a risibí serka di un fuente ku ta move hopi den ámbito di Kòmbèk.

Pero riba e dia di awe nos ta mand’é e informashon kaya ku gerente di agrupashon musikal Rei na di kaya a postulá “Dj Tonchi pa bo”komo nan Roadmanager nobo. Esaki sin duda ta un bon notisia. Paso “Dj Tonchi pa bo”, ta un persona ku tin hopi kontakto den e mundu di Kòmbèk i esaki ta hasi su trabou mas fásil.

For di Djadumingu tras di lomba amantenan di Kòmbèk por a kuminsá sinti e airu fresku di “Dj Tonchi pa bo” den bisindario di Kura Piedra, kaminda ku e agrupashon musikal Rei na di Kaya a presentá den nan tradishon nobo. Tambe mester bisa ku mes ora e banda ariba menshoná ta bai hasi su debut den Festival di Tumba 2020.Pa ku esaki e aña aki tin tres banda di Kòmbèk ta bai partisipá den Festival di Tumba 2020 i esaki nan ta Rei nan di Kaya. Forsa Dos i Classic XD. ‘E Mulina’, ta yama “Dj Tonchi pa bo” un bon bini komo Roadmanager di Rei nan di kaya, i tambe éksito ku bo reto nobo.