Dr. Arias ta bisa ku aki na Kòrsou nos por ta trankil i tene si na kuenta meskos ku ta konta pa hopi vírus, nos tin ku tene kuenta ku kosnan ku nos mester pa kuida nos famia.
Willemstad,– Dr. Melissa Arias, direktor interino di sektor di salu di su parti a bisa ku nan ta alerta i ta sigui tur desaroyonan djaserka. Tur profeshonal ta bezig ta sigui loke ta sosodiendo na China pa loke ta Corona Vírus.

E ta bisa ku nos no mester drenta pániko, si nos mester ta alerta i sigui e desaroyonan.Dr. Arias ta bisa ku aki na Kòrsou nos por ta trankil i tene si na kuenta meskos ku ta konta pa hopi vírus, nos tin ku tene kuenta ku kosnan ku nos mester pa kuida nos famia. Entre otro e ta bisa pa laba man, tosa den un papel i tira e papel afó, sali baño laba man, ta entre algun kos ku e médiko a bisa pa hasi.

E ta bisa ku tin hopi hende ta biaha sea pa bai China òf ta bini for di China, i pues e ta bisa pa si bo tin un hende malu, keda leu for di e persona aki. Ora bo biaha, unda ku bo bai, ora bo bini bèk si bo ta sinti malu, kòrda bisa bo dòkter ku bo a biaha.