Ike Jesurun ku 10 komposishon den Tumba 2020

319
E tin 10 komposishon den Tumba 2020.

WILLEMSTAD,—-E legendario músiko kantante kompositor areglista i tres biaha Rei di Tumba Ike Jesurun, a habri e dékada nobo aki den gran formá. I un biaha mas e ta perkurá pa duna su apoyo engrande na e totalidat di nos Festival di Tumba komo kompositor

T’asina ku djadumingu tras di lomba tabatin inskripshon di Festival di Tumba 2020. Esaki a kuminsá 2 or, mester bisa ku algu pasá di seis e inskripshon a sera , kaminda ku despues e resultado a drenta ku 59 komposishon a drenta i esaki sigur ta un bon notisia.

Mas den lat ‘E Mulina’, a sinta trankil i bai analisá ta ken tin mas komposishon den Festival di Tumba 2020, i aki nos a bin dal den e nòmber di Ike Jesurun, mester bisa ku Ike Jesurun tin 10 komposishon ku ta bai partisipá den e 50 edishon di festival di Tumba 2020.

E 10 kantante nan ku ta bai kanta e komposishon nan di Ike Jesurun ta Ludsella “Tela Sambo. Robertico “Papi Papi”Valerius. Johnny Cornelia. Bryan “King B”Golio. Edward Martinez. Patrick Raven.Carlos Alberto Baena. Charles Cooper. Yves Cooper i su mes persona ku despues di 2014 ku e la keda koroná komo Rei di Tumba ta bèk komo kantante kompositor. Aki bo ta mira kiko e apoyo di un kompositor ta hasi den e dicho Festival di Tumba, paso si Ike no a komponé e 10 komposishon nan aki, awe ta un otro gai lo a kanta.