Marie Pampoen ku un tremendo parke di deporte

310
Sigur un bunita kompleho pa deporte.
WILLEMSTAD—Habitantenan di Marie Pampoen ta pendiente pa e último trabounan pa loke ta e fase final di e kompleho deportivo den nan bario. Esaki despues ku trabounan a bai mas di lokual ku a tabata programá, manera ya ta konosí.

Sinembargo trabounan a reanudá i aktualmente ta den su fase final. Un ke otro kantu di laman, riba Dr. Martin Lither King Blv, na altura di Rotterdamweg. Ta trata aki di un parke unda ku den pasado, ya por a praktiká diferente deporte. A konstruí awor un edifisio, komo kantina i sala di reunion entre otro, pone yerba artifisial riba e tereno di futbòl i tambe asfaltá e kancha di básketbòl i drecha e kancha unda tabata hunga Bolas Krioyas i tambe a sera e kompleho, ku ta kedando un presiosidat. Ayera Deporte Vigilante a hasi un bishita i awe por kompartí ku bo kon kosnan ta kedando na e parke deportivo den bario di Marie Pampoen.