Rulison Specht ku su promé piesa nobo den género di Urban

229
Awe su piesa nobo “Freak” ta kuminsá zona na diferente radio emisora lokal.

WILLEMSTAD,—-Ta mustra ku e género di Urban ta landando kabes enorme den nos farándula lokal. T’asina ku ‘E Mulina’, a haña diferente informashon ku tin diferente kantante den e género ariba menshoná ku ta den studio di grabashon.

Ayera den ora nan di anochi lat ‘E Mulina’, a haña un grabashon tende di un hóben artista nobo den género di Urban. Mester bisa ku ta trata aki di e hóben kantante Rulison Specht ku awe ta manda su promé piesa nobo na diferente radio emisora lokal.

Titulo di su piesa ta “Freak”, mas aleu nos a keda pone na altura ku Rulison Specht mes a skibi su piesa, tambe nos a komprendé ku e kantante nobo den género di Urban tin plannan grandi na kaminda, su vishon ta pa e bira un artista solista internashonal.

‘E Mulina’, a buska kontakto ku Rulison i nos a logra di hañ’é tambe. Nos a puntr’é ku ta di kon e la skohe pa drenta den género di Urban i no Ritmo Kombiná. E kantante a bisa ‘E Mulina’, ku “For di mucha e género musikal di R&B ta esun ku a hala mi atenshon mas tantu, i esaki a pone ku semper mi atenshon a keda riba e género musikal di R&B i Urban. Mi no tin nada kontra di ningun otro Ritmo, pero mi ta stima mi Urban. Tambe mi ke bisabu ku for di awe mi piesa nobo “Freak” lo bai ta na radio nan lokal”. Pues awor farándula di un kantante nobo mas den género di Urban i su nòmber ta Rulison Specht.