Walker a hasi historia pa Colorado i Canadá

138
Walker a bati .313/.400/.565 den 17 temporada di Liga Grandi, ku 383 homerun, 1,311 kareda empuhá i 230 base roba den 1,988 partido.

DENVER,–  E estadístikanan nunka no a papia di Larry Walker, i sigur no den e 10 añanan ku el a hunga pa Rockies den Coors Field di Denver ku ta un stadion na fabor di e batidónan, pero difísil pa midi.

Al fin al kabo, ta su sifranan mes tabata netamente loke a hink’é den Salon di Fama.

Den su último aña den e votashon di e Asosashon di reporteronan di beisbòl di Nort Amérika (BBWAA), Walker a djòin Derek Jeter komo esnan eligí pa Cooperstown pa dicha entidat ora nan  a aparesé den 76.6% di e  karchinan di votashon (bo tin mesté di 75% pa bo keda skohe), ku ta un subida di 22.9% for di 2018.

Walker a bati .313/.400/.565 den 17 temporada di Liga Grandi, ku 383 homerun, 1,311 kareda empuha i 230 base roba den 1,988 partido. El a gana tres título di bateo, shete Wante di Oro i a sali Hungadó Mas Balioso di Liga Nashonal na 1997.

Awor Walker ta e di dos kanades elegí den Salon di Fama, despues di e eks picher Ferguson Jenkins (1991). Walker ta e promé hungadó di posishon di dicho pais ku ta bai haña su plakat na Cooperstown.

Walker i Derek Jeter, ku tambe a keda eligí djamars , lo drenta e Salon na Cooperstown dia 26 di yüli próksimo, huntu ku Ted Simmons i Marvin Miller (di forma póstumo).