Yadier a reiterá ku e kier ta un Cardenal pa bida

223
E kècher portorikeño di 37 aña ta yegando na e último aña di su kontrakt na 2020

SAN LUIS,– Yadier Molina a konfirmá ku e ke hunga henter su karera ku Cardenales.

E kècher portorikeño di 37 aña ta yegando na e último aña di su kontrakt na 2020 i el a bisa un grupo di reportero durante e “Winter Warm-Up” ku si Cardenales ke pa e bini bèk despues ku su kontrakt aktual terminá , lo e sigui hunga. Si no, “esaki lo ta tur kos pa mí”.

Molina tabata pará riba e mesun podium aki dos aña pasa, despues di a kaba di firma su kontrakt vigente i el a afirmá ku esei probablemente lo bira e último akuerdo di su karera. Pero el a bisa resientemente  ku e ta pensa ku ainda lo e por bai por lo ménos dos temporada mas. El a bisa tambe ku su rudianan ta bon i ku e ta den bon forma físiko.

“Tambe el a bisa  (dos aña pasa) ku si Cardenales ke mi, nan lo ta e úniko ekipo ku lo mi hunga den dje”. “Esaki a keda meskos, si es ku nan ke mi . Pero si no t’asina i nan ke bai otro kaminda, esaki lo ta tur kos pa mi ”.Molina a  sigui bisa ku e tin una fecha pensa pa ora ku nan tin gana di firma un kontrakt nobo, pero probablemente  Cardenales ta bai kuminsá ku nan  kòmbersashon nan te den Springtraining .