Atrakadó ta kita rolex di 18 mil dòler fo’i turista

Durante huida a lòs bala

722
Durante di e huida e kadena kibra mester a kita kai for di e atrakadó.
Willemstad— Polis a keda dirigí ayera nochi ku urgensia pa Mamayaweg pa un kaso di ladronisia ku violensia na unda asta mester a lòs bala.

Tabata den oranan di anochi un hòmber Kanades ku ta kedando riba nos Pais a bai na un toko den Mamayaweg pa asina por a hasi algun kompra. Kanando ta bai bèk e apartamentu na dado momento un  Kia Picanto kolo shinishi ku dos hòmber den dje a kore yega para den su banda. E okupante a bula bahá ku un arma di kandela den su man i a ordená pa duna tantu e kadena komo e oloshi ku e turista tabatin bisti. E atrako no a bai fásil ya ku a surgi un forsageo na momento ku e atrakadó a logra di kita e prendanan.

Durante di e huida e kadena mester a kai for di e atrako na unda e la lòs un tiru den laira pa asina e por a haña espasio pa kore drenta outo. E atrakadó a logra di bai ku un oloshi di e marka Rolex na un balor di 18 mil dòler. Polis huntu ku Politur a bai na e sitio pa asina por a kontinuá ku e investigashon. A keda di bai bèk na toko pa asina wak den e kámara pa wak ken por tabata studia e oloshi na e víktima su man.