Micheline Mercelita ku triunfo den su debut na Islandia

224
Micheline den akshon.
ISLANDIA—Despues di a sera bo konosí ku e hóben basketbolista femenino, e mucha di nos Micheline Mercelita i su moveshonnan den pasado. Tabata na inisio di aña ku a publiká ku e la regresá kas di su mayornan na Texas, despues ku un kontrato a kaba i tabata negoshando un nobo.

Seguidamente tambe a publiká ku e la logra yega na un akuerdo i a firma i finalmente e siman aki, ora ku e la biaha pa djòin su ekipo nobo i tambe su yegada. Miéntras tantu awe ta kompartí su debut ku bo.

Despues di a firma kontrato i a biaha pa Islandia, Micheline a hiba sekshonnan di preparashon i tabata ayera ku e la hasi su debut, mirando akshon pa su ekipo, den kompetensia patrosiná pa Domino’s Deildin.

Un ke otro na momentu ku su ekipo Valur tabata den akshon i a enfrentá e ekipo di KR. Micheline Mercelita i su ekipo a logra triunfo, ganando ku skor di 77-62, den wega ku e tabatin algun tremendo hugada i sigur a lusi, komo refuerso pa e ekipo.