Tattookiller ta hui den aresto preventivo

170
fugitivo Cor Pijnen (tattookiller)                
ROTTERDAM—Ministerio Públiko a emití orden di búskeda pa Cor Pijnen, ku OM a pidi kastigu bida largu p’e den kaso asesinato di Onno Kuut (2009).

Pijnen (36) ta un di 4 sospechoso den e kaso. Djamars anochi el a kòrta su banchi durante su libertat den detenshon preventivo i a disparsé. El a keda liberá despues di sinta gran parti di su kastigu pa un otro delito. Pijnen i otro sospechosonan ta konosí komo ‘tattookillers’ pasobra nan tin tatuahenan grandi riba nan lomba. Cor Pijnen tin tatuahenan remarkabel riba henter su kurpa inkluso markanan chines riba lomba i man i un dragon riba su pechu. Pijnen ta peligroso i ta karga arma segun polis. Pues esun ku señalé no mester aserk’e pero yama polis mésora. OM a pidi pa detené dos otro tattookiller ayera despues di huida di Pijnen pero korte di Rotterdam a rechasá e petishon. E di 4 sospechoso, Evert S, ta enkarselá ainda.