Isla i sindikatonan a firma akuerdo pa terminashon di pago di empleadonan  

231
Angelo A.A. Meyer presidente PWFC

WILLEMSTAD,– Refineria Isla Curacao B.V. ku awor ta karga e nòmber di Refineria Isla ta konfirmá ku teniendo na kuenta lo siguiente:

Komo resultado di e terminashon di e kontrakt di hür entre PDVSA SA, ku tabata esun ku tabata operá e refineria Isla i  RDK pa e hürmentu di e Refinería di Kòrsou dia 31 di desèmber 2019 (E kontrakt di hür) Refineria Isla, a tuma medidanan apropiá pa prepará pa e terminashon di e kontrakt di trabou ku su personal.

Refineria Isla i su personal a firma un akuerdo mutuo pa e terminashon di empleo i e plan di  despedí

Refineria Isla a kumpli ku tur su obligashonnan ku e trahadónan durante 34 aña.

E artíkulo 5 di e akuerdo mutuo ta establesé ku nan lo  presentá un programa di pago dia 10 di yanüari 2020 na e sindikatonan pa e akuerdo i pa mesora tambe akordá entre e partidonan pa inkorporá e akuerdo mutuo komo anexo 2.

E partidonan a akordá lo siguiente tokante di e tèrminonan i kondishonnan di e anexo 2 segun e siguiente tabèl:

 

Payment 1 Payment 2 Payment 3 Payment 4 Payment 5
20% of Total 20% of Total 20% of Total 20% of Total 20% of Total

 

E kondishonnan pa kada pago ta lo siguiente:

Pago 1: Lo ser pagá mas lihé posibel despues di risibí e resolushon impuesto di e inspekshon di impuesto, kual ta ser sperá den e promé siman di febrüari 2020.

Pago 2 i 3: Lo ta kondishoná na e benta di produktonan petrolero ku aktualmente ta den tankinan na Isla. Manera ku nan archivá un kantidat igual na e 20%, lo efektuá e pago number 2, kual nan ta kalkulá lo ta den e promé siman di mart 2020.

E Pago number tres nan ta kalkulá ku lo ser paga den e promé siman di aprel 2020.

Pago 4 i 5: ta ser kondishoná na disponibilidat di e fondo nan di refineria ku ta pegá den Giro Bank.

Esaki ta loke a keda akordá i firma na Kòrsou dia 22 di yanüari pa señor Lucas Beajon mènedjer di rekurso humano di isla. Angelo Meyer, presidente de PWFC i Gherrel Remilia, presidente de Apri.