Hóben argentino ta sufri kemadura ora ku telefòn selular a eksplotá

590
E telefòn a eksplotá riba pechu di e víktima.

BUENOS AIRES – Un hóben a sufri kemaduranan grave despues ku su telefòn a eksplotá miéntras e tabata drumí den su kamber, na su bibienda.

E hóben mes a indiká ku despues di e suseso el a reakshoná mesora, kore bai den baño i habri e awa pa di e forma aki logra pone fin na e kandela. Miéntras tantu su ruman hòmber a logra paga e kandela riba e kama.

Segun e víktima mes a sigui relatá, di 22 aña i di e estado di La Falda, tur kos a sosodé den oranan di mainta, na momentu ku e tabata drumí ku e telefòn selular riba su pechu i esaki tabata kargando.

Segun dòkternan a indiká, e hóben a sufri kemaduranan basta serio, pa kua e mester bai hospital tur dia pa bai limpia i tapa esaki nan bèk.
E tipo di situashon i kasonan aki por tin konsekuensianan basta serio, ya ku kemaduranan di e tipo aki por resultá di ta basta grave.