Dos morto registrá despues ku trein ta sali for di reil aya na Italia

75
Forma ku e trein a keda despues di a aksidentá.

ROMA – Dos persona a pèrdè nan bida i otro 27 mas a resultá heridá despues ku un trein a sali for reil den oranan di djaweps.

Aparentemente a indiká ku tabata trata aki di un trein di velosidat haltu ku tabata rekoré e trayektoria Milano-Salerno, na nort di Italia.

Segun e fuente a sigui indiká, e víktimanan ta dos trahadó mes di e trein, ku a sali for di reil serka di e siudat di Casal Pusterlengo, na e provinsia di Lodi. Esaki pa kousanan ku ainda ta deskonosé.

E 27 personanan ku a resultá heridá, tur di karakter leve, a keda trasladá pa sentronan médiko i a sufri den nan mayoria slanan ku no tin niun klase di gravedat, miéntras ku un di e pasaheronan a kibra un pia.

E trein a sali for di e stashon sentral di Milán poko minüt promé i solamente tabatin 27 pasahero abordo. Esaki debí na e orario sumamente trempan.

Segun e promé imágennan, e trein a sali for di via i a kontinuá te na momentu ku el a impaktá kontra un bibienda deshabitá. Esaki miéntras ku e segundo wagòn a bòltu.

E delegashon di di Gobièrnu di Lodi, Marcello Cardona, ku a aserká su mes na e zona di e aksidente a afirmá ku e kaso por tabata pió i lo por a registrá un masakre. Esaki a keda evitá ya ku e trein no a tuma su mayor velosidat i tabata práktikamente bashí.

Miéntras ku ta realisá e promé investigashonnan, medionan di komunikashon italiano a indiká ku ta realisando obranan di mantenementu di parti e sosiedat ku ta representá treinnan, ku nan a desviá e trein i esaki ta e problema ku tabatin retraspmam di asta un oran i diferente kanselashon nan.

E minister di infrastruktura i Transporte, Paola De Micheli, a anunsiá ku e ta rumbo e zona di e insidente pa analisá e situashon.