Famia dominikano hañá asesiná na New Jersey identifiká

112
Víktimanan ku a keda identifiká aya na Estádos Unídos.

ESTADOS UNIDOS – Outoridatnan polisial di New Jersey, a identifiká e personanan involukrá den loke nan ta kere ta un kaso di asesinato-suisidio. Ta trata aki di Ruth Reyes i e menornan di edat Euriany i Eury, kendenan a keda hañá den un plas di sanger ku vários hinká den e kompleho di apartamento Penns Grove Gardens, unda nan tabata biba.

Fuentenan ta indiká ku e tata tabatin un òrdu pa keda leu for di e víktimanan. Te ainda outoridatnan no a divulgá nòmber di e asesino-suisida.

Segun e bosero polisial a indiká, e kurpanan sin bida a keda hañá den un plas grandi di sanger. Tabata trata aki di kurpa sin bida di dos menor di edat i e mama di ámbos, ku hinká na diferente parti di nan kurpa.

Promé ku a haña e kurpanan, outoridatnan polisial di e kondado a reportá ku nan a risibí un yamada reportando morto di e tata, kende a keda hañá horká den un mondi, kologá na un palu.

Segun e kabesante polisial, e kaso a aki ta unu hopi difísil pa e agentenan ku ta na e sitio i investigando e insidente. Esaki pa motibu ku mayoria tin yu i e esena ta unu super horibel.