Seis luna di prizòn repartí pa pareha ku a kima parti íntimo di nan yu muhé

120
Ámbos mayornan a keda detené i kondená na 4 i 2 luna di prizòn.
MAROKO – E tribunal di e siudat di Tarudant, na sùit di Maroko, a kondená un hòmber i un muhé na kuater i dos luna di prizòn pa torturá nan yu muhé di apénas shete aña, kende nan a kima su parti nan íntimo.

Medionan di komunikashon di e pais a indiká ku e sitio unda esaki a keda registrá tabata Tarudant, kua ta situá na 600 kilometer sùit di Rabat.

E kaso aki a keda registrá for di dia 19 di yanüari na momentu ku bisiñanan di e pareha, alarmá pa gritunan di e menor di edat, a disidí di yama polis. Na yegada di outoridatnan, e agentenan mester a drenta den e bibienda ku un outorisashon di fiskalia.

Pa hustifiká nan delitu, e pareha a alegá ku nan a apliká un kastigu pa motibu ku e menor di edat tabata mishi ku si parti íntimo nan di un forma repentino.

E fuente ademas a suprayá ku e menor di edat ta ainda interná den un sentro médiko pa asina trata e infekshonnan grave ku el a sufri pa kousa di e kemaduranan. Na mesun momentu esaki ta someté na un tratamentu sikológiko.