Alan Hunte tambe ta kandidato pa direktiva nobo di FEBEKO

108
Stòf tin mas ku 40 aña den e mundu di beisbòl i semper ku e ekipo di Kwartier

Willemstad,– Durante hopi aña e ekipo di Kwartrier tabata representá pa George de Lira de direktiva di FEBEKO.

Segun informashonnan ku a yega serka nos aki na Vigilante, señor De Lira a bisa ku e tin basta i ku e no ta interesá mas pa drenta direktiva i e ekipo di Kwartier a postulá Alla Hunte mihó konosí komo Stòf, pa drenta direktiva. Señor Hunte sin duda ta un trahadó inkanbsabel i si e logra drenta den direktiva, beisbòl di Kòrsou sigur lo por konta ku un trahadó sigur den Liga Hubenil i klase A i huntu ku señora d/c Gomez nan lo forma un duo ku ta garantia pa bon kampionatonan di Klase A i Hubenil.

Stòf tin mas ku 40 aña den e mundu di beisbòl i semper ku e ekipo di Kwartier. Den añanan 70 el a tuma e organisashon di Kwartier over for di defuntu Ganga Chirino i semper a keda aktivo komo dirigente pa Kwartier. E ta un persona ku ta konosí komo trahadó i ku tey tur dia na tereno.