Coutinho por regresá Liverpool òf  bai PSG den deal pa Neymar

49
Fot coutinho: Coutinho di kende ta keda menshoná banda di  vários ekipo grandi di Europa despues ku e kos na Bayern Munich no ta bayendo bon tampoko meskos ku Barcelona.

MUNCHEN,  – Philippe Coutinho lo ta den mira di vários ekipo grandi di Europa. Apesar ku Bayern Múnich no ta parse dispuesto pa ehersé un opshon di kompra  pa e hungadó, e brasileño lo no bai sinti falta pa ofertanan den zomer próksimo.

Segun el Daily Express, Jürgen Klopp, ta mira ku masha bon wowo e regreso di Coutinho na Anfield.

E mediokampista di  27 aña a bandoná e organisashon ingles na yanüari di 2018 pa 145 mion euro, miéntras ku den ekipo último aki e la mustra su mihó aktuashon for di despues ku e la yega Europa na plantel ‘red’, bou di òrdunan dje manager aleman.

No opstante di esaki si ta asina ku e promé opshon di  Klopp pa e próksimo periodo di transferensia ta e kontratashon dje futbolista di Bayer Leverkusen, Kai Havertz. Pero den kaso e kontratashon último aki frakasá,  Coutinho lo pasá pa bira e number 1.

Otro ekipo grandi ingles ku tambe ta interesá den Coutinho ta Manchester City, Manchester United, Chelsea i  Tottenham, ya ku ainda e ta masha bon mira den Premier despues di su gran rendimentu ku Liverpool entre 2013 i 2017.

 PSG tambe lo ta interesá den kontratashon

E plantel di  PSG lo por bai bira un dje pretendientenan di e futbolista brasileño. Segun e medio franses ‘Le10Sport’, Leonardo, lo ta interesá den  Coutinho, i di su banda por hink’é den un deal pa asina  Neymar por yega Camp Nou.

E ekipo azulgrana tambe ta dispuesto pa negoshá  Coutinho pa Neymar den transferensia di zomer próksimo.

Despues di su diskreto aktuashon  ku FC Barcelona, Philippe Coutinho, tampoko no a terminá di pas den  Bayern Munich na unda e la disputá 27 partido, skor  7 gol i duna 8 asistensia.

Ku e opshon di kompra di parti dje ekipo bávaro kasi deskartá,  Coutinho lo bai purba su suerte  den zomer próksimo pa pasa pa otro ekipo grandi di  Europa, pa asina bria manera e la hasi na su momentu den Liverpool.

Bayern  Munich tabatin  un opshon di kompra pa e próksimo 30 di yüni pa  120 mion euro. E ekipo aleman a ninga e deal di firma e brazilero pa dos temporada, pero finalmente nan disidí di keda kuné pa un temporada pa komprobá ku e por hunga den Bundesliga ku nan pa despues disidí su futuro.

E ekipo di Bayern Munich a aksedé pa paga e total di e kontratashon ku ta un  12 mion euro neto pa temporada, i ademas  e 20 mion  pa e fiansa di kua ta e plaka ku Barça mester a paga pa e kompra dje  futbolista na Liverpool.

Den e negosashon tabatin dos modalidat, esta un sekshon di hür pa dos  temporada na unda Bayern  ademas por asumí e kontratashon despues òf di optené Cou akambio di un kantidat di plaka, porsierto un operashon similar di kua a keda realisá riba James Rodríguez na su tempu.

E otro opshon ku tabatin riba mesa ta esun di Coutinho por yega e ekipo bávaro pa un temporada, miéntras ku final di esaki nan por ehersé e opshon di kompra obligatorio. Porsierto ta esun ku a sosodé tambe.

Pero manera awor tur kos ta indiká ta asina ku Coutinho lo bolbe kambia di ekipo den zomer próksimo, ku hopi chèns di bai kaba hungando pa ekipo di Paris Saint Germain.