Rays i Giants tin interes den Yasiel Puig

109
Puig, di 29 aña, a kuminsá temporada 2019 ku Cincinnati Reds, promé ku el a keda mandá pa Cleveland Indians den luna di yüli.

TAMPA BAY,– Rays a demostrá interes den e servisionan di Yasiel Puig, ounke no ta muchu kla ainda ku nan ta serio den nan intenshon  pa firma e outfilder kubano, segun un informe di e koresponsal di MLB Network Jon Heyman. Segun e kronista Robert Murray, Giants tambe tabatin interes.

San Francisco ta parse di tin mas nesesidat di un outfilder ku  Rays, spesialmente un ku ta bati na e banda rèks di plato, ya ku na e momentunan aki ta Alex Dickerson, Mike Yastrzemski  Steven Duggar so ta  perfilá  komo e tres outfildernan titular di e klup. E presidente di operashon di beisbòl di Giants, Farhan Zaidi, konosé Puig for di dia ku nan dos tabata den Dodgers.

No ta muchu kla tampoko ku e firmamentu ku Pence, ku a hunga pa San Francisco den 2012-18, lo por stroba e  klup di sera un kontrakt ku Puig. Pence tabata konvoká pa Wega di Tur Strea  aña pasa komo integrante di Rangers, pero el a pèrdè e último tres weganan di temporada debí na un  leshon na su lomba. Pronto e ta bai kumpli 37 aña.

Puig, di 29 aña, a kuminsá temporada 2019 ku Cincinnati Reds, promé ku el a bai Cleveland Indians den luna di yüli. Entre e dos ekiponan aki, el  a konektá 24 homerun i a roba 19 base.