Tin un plancha formá pa Santa Maria, Santa Rosa Marchena i Firebirds

188
Bradley Staurt di Firebirds tambe lo ta den e próksimo direktiva di FEBEKO

Willemstad,– Ta konosí ku a surgi un problema durante temporada di beisbòl “AA” aña pasa kual a bin konkluí ku hasta mester a kanselá e kampionato di 2019. E problema tabata básikamente tokante di hungadó estranhero ku si nan tabata legal òf ilegal.

Esaki a kondusí na lantamentu di un komishon ku no a logra trese un solushon pa e kampionato por a kontinuá i konsekuentemente awe nos ta para den porta di elekshon pa direktiva nobo di FEBEKO.

Segun informashonnan ku nos tin, aparentemente tin un plancha forma pa e kuater ekiponan ku a  bisa ku e hungadónan tabata legal i ta trata aki di e ekiponan Santa Maria Pirates, Santa Rosa Indians, Marchena Braves i Firebirds. Nan kuater a postulá Jedrek Magdalena di Marchena Braves komo presidente i huntu kuné algun kandidato mas.

Segun informashonnan no konfirmá ku nos a risibí tres di e sinku nan ku ta den e plancha aki ta Jedrek Magdalena, Mable d/c Gomes i Bradley Stuart.

Vigilante a buska tur manera pa drenta den kontakto ku e diferente personanan involukrá, pero niun no tabata kontestá nos yamada.