Tur nos karatekanan a logra medaya na Aruba

115
Tur nos karatekanan a regresá ku medaya.
WILLEMSTAD—Djasabra tras di lomba nos hóben karatekanan a partisipá na ‘Aruba ABC Open 2020’ di karate, unda tur ku a bai Aruba, a gana medaya.

Dominique Suares a gana oro den kata i plata den pelea. Vasil Tirchaninoff tambe a gana oro den kata i plata den pelea. Joep de Pee a gana oro, miéntras Endjomar Becker, Eldjenmar Becker i Tim O’Neil a gana medayanan di bròns. Kada un di nan a partisipá den nan respektivo kategoria i tabatin un bon presentashon na Aruba. Ta trata aki di karatekanan miembro di Karate-do Curaçao i Wado Karate Otrabanda.