Un di e narkotrafikantenan mas buská detené

2537
Razzouki, despues di a keda detené aya na Colombia.

BOGOTA – E narkotrafikante Said Razzouki, un di e kriminal mas buská, a keda detené na Medellin den un operashon ku outoridatnan mester a rekurí na téknikanan ku a keda usá pa kapturá Pablo Escobar mas di 30 aña pasá.

E direktor di outoridatnan antinarkótiko di polis kolombiano, Jorge Ramirez, a detayá ku a hasi uso di ‘Bloque de Búsqueda’ pa ubikashon di e hòmber. Pues esaki no tabata hasi hasi uso di medionan di komunikashon, teknologia òf retnan sosial. Pa e mesun motibu aki a pèrdè kontakto ku su famianan mas di ocho aña pasá.

E detenshon di e kriminal a keda produsí den oranan di djabièrnè siman pasá na un edifisio di apartamentu na Medellin, aunke ku e detenido a intentá di hui i a resultá levemente heridá di bala na man di outoridatnan polisial kolombiano.

Segun a keda indiká, e hòmber a kambia di aspekto físiko pa mustra ku e tabatin 29 aña pas di loke en bèrdat e tabatin.

Razzouki di 47 aña, tabata man drechi di otro narkotrafikante lider di mafia, Ridouan Taghi, ekstraditá despues di keda detené dezèmber último na Dubai.