A kuminsá pluma vehíkulo bandoná den Kaya Higiena

144
Willemstad— un vehíkulo ku ya tin un par di dia stashoná bandoná den Kaya Higiena a ser destruí na unda a kita vários partinan bai kuné.

 

Ta djaluna vigilante a hasi publikashon di un SUV bandoná i stashoná kantu di kaminda den Kaya Higiena. E dia ei Polis tambe a bai na e sitio unda a hasi mas investigashon pa trata di saka afó ken por ta e doño. A ser e vehíkulo na lòk i a bai laga esaki ku e pensamentu ku e doño lo presentá pa asina por a bai ku e vehíkulo. Ayera a bin tuma nota ku deskonosínan a destruí e glas chikí na e porta parti patras pa asina por a habri e vehíkulo i drenta den esaki. Por a mira kua  listra tur kaminda pa wak kiko di balor por haña pa bai kuné. Tambe a saka e radio di e vehíkulo bai kuné. A kousa basta destrukshon na e vehíkulo unda a kibra e glas parti padilanti, a destruí e man di e porta i tambe e kita rùber ku tin pega na banda di e vehíkulo. A keda di buska ainda e doño di e vehíkulo pa esaki bin kue su propiedat bai kuné for di e sitio.