Astros ta faborito pa firma Pedro León

86
León, di 21 aña, a sali for di Cuba na 2019 i a bira agente liber dia 6 di desèmber. E tabata eligibel pa firma for di dia 20 di desèmber.

HOUSTON,– Astros posiblemente a topa ku su próksimo strea for di Cuba.

E konhunto di Houston ta e kandidato prinsipal pa firma e outfilder kubano Pedro Manuel León pa un kontrakt serka di 4 mion dòler, siegun un fuente a informá. León, di 21 aña, a sali for di Cuba na 2019 i a bira agente liber dia 6 di desèmber. E tabata eligibel pa firma for di dia 20 di desèmber.

Nan ta pensa ku e akuerdo ta bira ofisial durante di e periodo di firmamentu internashonal ku ta  kuminsá dia 2 di yüli 2020 i ta terminá dia 15 di yüni di 2021. León ta ser  kalifiká e number 3 den e lista di e mihó 30 prospektonan internashonal despues di e dominikanonan di 17 aña Jasson Domínguez i Robert Puasón.