D-backs la duna ekstenshon di 4 aña na Ahmed

90
E infilder Nick Ahmed a firma un ekstenshon di kuater aña ku D-backs pa keda ku  e ekipo te na 2023.

ARIZONA,– E infilder Nick Ahmed a firma un ekstenshon di kuater aña ku D-backs pa keda ku  e ekipo te na 2023. E pakto tin un balor di 32.5 mion dòler i ta inkluí bónus ku lo oumentá e montante di e kontrakt, segun un fuente a informá  Steve Gilbert di MB.com.

E ekipo di Arizona no a konfirmá e balor di akuerdo.

“Nos tin shortstop pa bende! D-backs i NickAhmed  a yega na un akuerdo pa 4 aña te na 2023”.

Ahmed a gana su segundo Wante di Oro siguí komo shortstop na 2019, i a konbertí su mes den e  di dos hungadó di kuadro di D-backs ku ta risibí dicho honor den kampañanan konsekutivo huntu ku Orlando Hudson na 2006 i 2007.

Den su karera, Ahmed tin un linea ofensivo di .236/.289/.387 ku 102 doblete, 19 tripel, 55 kareda anotá, 231 empuhá i 149 base por bola negoshá den 613 partido durante partinan di seis temporada ku e ekipo di Arizona.