Dòkternan di kas ta tèst pashèntnan ku grip riba corona

77
ta tèst tur pashènt ku grip
DEN HAAG—Kuarenta ofisina di dòkter di kas ta tèst tur hende ku síntoma di grip riba presensia di e vírùs di corona.

Asina institutonan di salubridat Nivel i Rijksinstituut Volksgezondheid a anunsiá djaluna. Segun un bosero di e ministerio ta trata di 40 ofisina repartí den henter Hulanda. Normalmente Nivel i RIVM ta registrá tur kaso di ferkout, awor ta añadí tèst di corona. E tèstnan ta komo medida di prekoushon. Asina e institutonan di salubridat kier chek si e vírùs ta sirkulá den Hulanda. Ta importante pa start pa monitoriá e vírùs nobo promé ku e ta sirkulá. Tòg aktualmente no tin preokupashon spesífiko ku lo señala e vírùs. Mientras no tin un epidemia no ta probabel ku e vírùs lo tei. E dòkter di kas den kaso di kontaminashon serka un pashènt mester informá GGD. Nan por tuma medidanan mas rápido pa kombatí kontaminashon. E síntomanan di e vírùs nobo parse grip. Den mayoria kaso pashèntnan ta mèldu na dòkter di kas ku kentura i kehonan respiratorio.