E aña aki lo no tin despedida di marcha di Tiner

108
No ta bai tin marcha di despedida pa nan e aña aki.

WILLEMSTAD,—-Djamars tras di lomba den ora nan di anochi ‘E Mulina’, a haña informashon ku, pa loke ta trata marcha di despedida di Tiner no ta bai dor mas. Ya for di djaluna tras di lomba ‘E Mulina’, a keda poné na altura. Pero djamars nochi nos a haña un mail, ku ta bisa ku e marcha di despedida di Tiner no ta bai kaya e aña aki.

‘E Mulina’, a drenta den kontakto ku presidente di Fundashon J.A.G. i nos a bisé di e informashon ku nos ta disponé di dje, unda ku e la bisá nos lo siguiente:

“E biaha aki si bo informashon ta kuadra ku realidat. Pero ni un dia despues, via,via ‘E Mulina’, a risibí un komunikando kaminda ku tin poné ku e Parada di despedida di Tiner 2020 lo no por kontinuá.

Mas aleu e komunikado ta sigui bisa ku “Fundashon J.A.G. i tambe Sektor di Kultura i deporte a hasi tur lokual ku tabata na nan alkanse pa ku kontinuashon di e parada, pero esaki no a duna e resultado deseá, i ta spera di kurason ku boso lo tin komprenshon pa ku esaki”

Pues e aña aki nos Tinernan lo bai tin un marcha so i esaki ta tuma lugá dia 21 di febrüari próksimo ku ta bai riba un djabièrnè. Mester bisá ku ‘E Mulina’, a trata na drenta den kontakto ayera ku ‘Juni’ Aniceta, pero su telefon tabata zona pagá. Mester bisá si ku mainta nos a komprendé ku ‘Juni’ su kurpa no tabata masha bon. Kisas esaki tabata e motibu ku nos no a logra di lokalisá ‘Juni’, na telefon.