Kandela ta destruí kas por kompletu mardugá

Na Fuik

226
Willemstad— Un kas no habitá ku tabata konstruí parsialmente di palu i blòki a ser destruí por kompletu pa un kandela den oranan di mardugá.

Ayera den dia reshèrshinan a bai na Kura Buriku kantu di laman na Fuik pa un kas ku lo tabata na kandela den oranan di mardugá. Ta sospecha ku e kas a ser sende na kandela pa kual mesora a kuminsá ku un investigashon. Tabata trata di un kas no habitá pero ku ainda tabata den un kondishon optimal. Den oranan di mardugá a surgi un kandela feros ku a destruí e kas por kompletu.

Loke ku mas a hala atenshon ta ku a bin topa ku kandal di e kas kòrtá ku por ta duna e indikashon ku tin hende a drenta den e kas. Tambe a bin topa ku un bòter ku tabatin un oló penetrante manera un líkido flamabel. Tantu reshèrshi táktiko komo e tim Forensiko tabata na e sitio pa asina por a hasi e demas investigashon.