Kriminal hulandes Dennis M (44) ta muri den prizòn na Spaña

262
Dennis M tabata primu di Gwennete Martha (dft)
AMSTERDAM—E kriminal di Amsterdam Dennis M (44) a fayesé den prizòn na Spaña segun diferente fuente a bisa Crimesite.

El a muri di un paro kardiako. Dennis M a keda kondená den korte na 11 aña di kastigu pasobra e tabata operá diferente plantashon di mariwana den área di Alicante. E tabata sospechoso tambe envolví den algun likidashon den 2014 na Amsterdam. Na Spaña su kaso tabata pendiente den apelashon. Den un proseso hulandes e tabata sospechoso di partisipashon den un organisashon kriminal ku ta sospechá di asesinatonan riba Stefan Eggermont, Alex Gillis i Massod Hosseini den 2014, i tambe 6 otro hòmber inkluso Iliass K i Gökhan C. Dennis M tabata primu di Gwenette Martha (ku a keda likidá den 2014) i tabata ser konsiderá komo miembro di un grupo di kriminalnan den Amsterdam-Zuid rondó di Martha.

Ora Martha tabatin un konflikto ku su eks-sosio Houssine A esaki a kondusí na likidashon den Antwerpen di un kompañero di Martha i e dòbel asesinato den Amsterdam. E asesinatonan den 2014 den kua Dennis M ta sospechoso tabata dirigí riba e grupo di Houssine A. E asesinato di Eggermont tabata hende robes, posiblemente tabata buska Omar L. Semper Dennis M a keda fiel na su primu Martha. E ruman di Dennis, Dani M, a bai forma parti di e grupo rival segun reshèrshi. El a keda kondená relashoná ku e asesinato riba Eaneas Lomp na Krommenie den 2015. Un tempu Dennis M tabata den grupo di rapper Lil Kleine.