Laboratorio di droga Den Dungen a generá 10 mion euro

102
2000 kilo di pasta amphetamine por genera 10 mion euro
DEN DUNGEN—Polis ta kalkulá ku e laboratorio di droga ku a deskubrí den òktober 2019 na Den Dungen lo a generá un kapital di 10 mion euro.

Esaki di akuerdo ku e programa di investigashon Bureau Brabant. Den e laboratorio, situá den un sentro agríkola, a haña restunan mortal despues di un eksploshon 25 òktober. E hòmber ku a fayesé a keda deskubrí den e espasio di produkshon. Ta trata di un hòmber di 36 aña di Kerkrade. Despues di investigashon a detené algun sospechoso. Despues di eksploshon 3 hòmber ku heridanan leve a pidi bisiñanan pa yudansa. Despues a detené dos mas di Limburg. E kalkulashon di e kapital ta basá riba e kantidat di material i desperdisio ku a haña den e laboratorio. Ku e material por a traha 2000 kilo di pasta amphetamine, ku por genera 10 mion euro. Polis ainda ta buskando e kabesantenan di e laboratorio i unda e plaka di ganashi a keda. E munisipio a sera e sitio pa un aña.