Ladron ta baha di dak den “Changes” bai ku basta merkansia

179
Willemstad—- Polis mester a bai na e negoshi Changes situá na Jan Noorduynweg pa un kaso di kiebro den oranan di mardugá.

 

Primeramente tabata e personal di vigilansha ku ta kore kontrolá negoshinan den oranan di mardugá a keda dirigí pa Changes riba Jan Noorduynweg despues ku e alarma mester a aktivá. Na yegada a bin tuma nota ku deskonosínan a logra di drenta e negoshi. Mesora a tuma kontakto ku e persona ku tin yabi di e negoshi pa asina por a habri porta pa drenta den e edifisio i kontrolá. Miéntras tantu a pone polis tambe na altura. Ora a habri porta i drenta den e negoshi a bin tuma nota ku deskonosínan a logra di drenta den e edifisio via di dak. For di den e negoshi a logra di bai ku un kantidat di merkansia. Den oranan di dia e doño i e manager a keda di hasi un inventario pa asina sa kiko tur a logra di bai kuné. Si tin ku bisa ku últimamente ladronnan a kuminsá kibra i drenta vários di e negoshinan situá riba Jan Noorduynweg. últimamente a kibra drenta La Curaçao unda tambe a bai ku basta merkansia i tambe for di Cost U less a yega di bai ku basta bebida na numeroso okashon. E kaso ta den investigashon.