Mester hasi investigashon kuantu alumno ta bai skol sin kome

442
Rignald Lak lider di MPK.
Willemstad—- Rignald Lak, lider di movemientu patriotiko korsou, karesidamente ta pidi minister enkarga ku e kartera di enseňansa pa laga hasi un inbestigashon bou di skolnan kaminda  muchanan ku ta kai bou enseňansa obligatorio,kuantu mucha ta bin skol mainta sin kome anto ora nan bai kas merdia e situashon ta pio, no papia mes di wikent.

MPK  ku hopi asombro ta tende  ku muchanan ta bin skol sin kome mainta i tampoko mèrdia despues di skol.MPK ta puntra kon penoso e situashon aki lo ta parti atardi na momentu e hóbennan aki tin ku hasi nan tarea di skol barika bashí.

MPK ta papia aki di muchanan futuro di mañan ku tin keda bon alimentá i bon forma pa por tin un kurpa i  mente sano.Nos di MPK ta tira lus riba e situashon sosial deplorabel aki ku ta pone hóbennan bira malu I no ta presentá na skol.MPK a komprondé den pasado gobièrnu i otro instanshanan no-gubernamental tabata duna aporte pa muchanan di sierto skolnan den bario risibí desayuno mainta I kuminda kayente mèrdia.

MPK ta komprondé ku e situashon sosial aktual den nos pais  dia pa dia ta empeorando I ta p’esei nos ta urgí atenshon di gobièrnu di Kòrsou I miembronan di parlamentu pa mas pronto posibel laga hasi un investigashon bou di nos muchanan ku ta kai bou enseñansa obligatorio ku no ta keda alimentá na momentu nan bin skol,tampoko despues skol.

MPK ta pidi karesidamente pa bin ku un maneho struktural di prevenshon den e aspekto aki ku nos ta relatá pa evitá konsekuensianan fatal  bou nos hóbennan ku pa  falta di alimentashon ta kai for e sistema di enseñansa bira drop out I drenta e sikuito di delinkuensia.