Rashid “Rayay” Salsbach ku piesa nobo riba merkado

87
For di awe su piesa nobo “Turn Up” ta kuminsá zona na diferente radio-emisora lokal.

WILLEMSTAD,—-Den tur e ambiente pa loke ta trata temporada di Karnaval 2020, ku nos ta den aki, tòg tin algun kantante den género di Urban ku ta den studio di grabashon, pa ku nan produkshonnan nobo. Esaki unda ku un tras di otro, lo bai tin diferente piesa nobo den género di Urban na kaminda.

Ayera ‘E Mulina’, a haña un piesa nobo tende di e artista yu di Kòrsou Rashid “Rayay” Salsbach. Ta trata aki di un piesa ku tin tur kos pa bira un hit grandi pa den temporada di karnaval. Un piesa ku a keda traha 100% kaya, kaya.

Tambe ‘E Mulina’, tin ku bisa ku e piesa nobo di Rashid “Rayay” Salsbach, ta kompañá ku su videoclip. Mas aleu nos tin informashon ku e artista yu di Kòrsou ‘Dando’, ku ta biba na Hulanda, tambe ta forma parti den e tim huntu ku Rashid.

Esaki ta nifiká ku por spera masha hopi kos di e dos artistanan aki. Ya for di awe tur hende por bèl na kualke un radio-emisora lokal i pidi pa e piesa nobo di Rashid “Rayay” Salsbach ku ta hiba di titulo “Turn Up”. Kòrda ku nos a bisá ku ta trata aki di un piesa ku sigur ta bai kue e kaya den e temporada di karnaval aki.