Raychel Sambo a laga tur hende sa su historia

162
Sin duda, un gran persona.

WILLEMSTAD,—-Ayera un biaha mas e programa di farándula “Den Do Mayó” a hala bastante atenshon, kaminda ku tabata presente komo invitado, Raychel Sambo ku a habri su buki di historia i asina konta tur kos rondó di su karera den mundu di farándula.

T’asina ku práktikamente tur hende a keda den shòk na momentu ku Raychel a konta ku tempu ku e tabata mucha su pashon tabata hunga besbòl, i ku e la hasi esaki pa basta aña. Tambe e la konta ku e la hunga ku algun pelotero ku awe ta hunga den Liga Grandi.

Tambe Raychel Sambo a konta kon i ken a hink’é den mundu di bailamentu. Ta masha hopi kos mes a bin dilanti durante di e entrevista di ayera nochi den e programa di farándula “Den Do Mayó”. Mester bisá aserka, ku nos tin ku kita pèchi pa e presentadó di e programa, pasó e ta bai hopi profundo ku kada un invitado ku presentá su dilanti i esaki ta loke ku e la hasi ayera tambe.

Si dado kaso bo no a logra di wak e programa di ayera na TV Direct Kanal 13 i òf facebook di Vigilante i facebook di Direct Media Curaçao. No spanta paso bo por wak esaki normal riba e dos páginanan di facebook ariba menshoná.