Shurendi “DjoDjo”Pieternella i Juni Aniceta a habri for di otro

284
Nan a bati den tempu malu i bon ku otro.

WILLEMSTAD,—-Dos hóben ku a lanta for di chikí ku otro den e bario di Banda Riba i ku semper tabata wak lomba di otro, no por a kere ku den 2020 nan amistat a yega na su final, den un forma ku ningun di nan dos a spera. Aki ‘E Mulina’ ta referí na Shurendi “DjoDjo”Pieternella i Hubert “Juni” Aniceta.

Djasabra den ora nan trempan di anochi ‘E Mulina’, a haña un grabashon kaminda ku por tende stèm di Shurendi “DjoDjo”Pieternella, un stèm ku tabata zona hopi pero hopi rabia den direkshon di tantu Fundashon J.A.G. i Hubert “Juni”Aniceta.

‘E Mulina’, a haña informashon ku ta for di e anochi di final di elekshon di Reina i Prens i Pancho grandi ya tabatin algu ku a bai robes entre e dos persona nan ariba menshoná. Pero despues ku nos a tende e grabashon nos a bai buska mas informashon i nos a haña di komprendé ku, djasabra tras di lomba tabatin un Jump In pa ta eksakto esun di Rei di kaya, i aki nan un di e grupo nan di karnaval a bisa Fundashon J.A.G. ku nan ke solamente Reina di karnaval Prens i Pancho huntu ku promé finalista pa ta presente den nan Jump In, pero aki Fundashon J.A.G. a para duru pa tur nos embahador nan tei presente, pasó esei ta loke ku semper nan a bin ta hasi. Pero di otro un banda Fundashon J.A.G. no por disidí riba desishon di ningun otro organisashon.

Pero problema a kaba di eksplotá na momentu ku Choco ku ta esun ku a entrená Reina di karnaval 2020 a manda un mensahe den un App Group ku nan tin, kaminda ku el a partisipá na e embahadornan ku ta solamente Reina Prens i pancho huntu ku promé finalista por bai e Jump In en kuestion i esaki no a kai den bon tera serka di e organisashon ku a organisá elekshon di Reina Prens i Pancho grandi 2020 i esaki a saka “DjoDjo” kompletamente for di su kueru. ‘E Mulina’, a papia ku “DjoDjo” i el a indiká ku “Personalmente e no tin nada ku Juni, pero e kos ta mas tantu den direkshon di Fundashon J.A.G. ami no ke papia mas tokante di e asuntu aki, mi ta laga pa Fundashon J.A.G. mes atendé nan kos nan, si tin kambio lo bo tende di mi”. Mas despues nos a yama Juni Aniceta el a bisa ‘E Mulina’, ku “Manera ku mi kaba ku marcha di kabai mi ta tene kontakto ku bo”.