SITUASHON DI KORIENTE A SIGUI STABIL

59
Willemstad—–Despues di e Blackout ku djamars mainta a wòrdu okashoná dor di fluktashon di voltahe riba e ret di Aqualectra, e situashon di koriente riba Kòrsou a stabilisá alrededor di 7or di anochi.

Aqualectra a indiká ku e 24 ora nan despues di esaki ta pone hopi atenshon pa e ret keda stabil. E teknikonan di Aqualectra a keda monitòr e desaroyo riba e ret pa nan por evaluá e situashon. Na mes momentu Aqualectra a sigui ku e investigashon ku e la inisiá for di algun siman pasá pa detektá e kousa di e fluktuashon di voltahe. Huntu ku ekspertonan internashonal lo intensivá e investigashon i tèstnan riba e posibel faktornan ku ta kousante di e fluktuashon di koriente riba e ret.

Tambe Aqualectra a konekta bèk ku Curaçao Refinery Utilities (CRU) pa asina logra mas stabilisashon, esaki no opstante e echo ku e kontribushon di CRU na e momentu aki ta minimal.Aqualectra un biaha mas ke gradisí komunidat pa e komprenshon demonstrá i lo kontinuá na hasi lo máksimo na su alkanse pa sigui ofresé un servisio konfiabel na su klientenan