1000 kilo kokaina entre banana

67
mas kokaina den haf Rotterdam
ROTTERDAM—Duana a deskubrí 1000 kilo di kokaina durante un kontrol den haf di Rotterdam, segun parkèt di Rotterdam.

E droga tabata den un konteiner di banana. E konteiner ta prosedente di Ecuador. E lote a drenta haf siman pasá den un barku for di Costa Rica. E karga di banana tabata destiná pa un kompania na Portugal. Posiblemente e kompania no ta responsabel ku e kontrabanda di kokaina. E team di HARC tin e kaso den investigashon. Team di HARC ta konsistí di koperashon entre Duana, FIOD, haf di polis i Ministerio Públiko di Rotterdam. Entretantu a destruí e droga.