2 hòmber sospechá  ladronisia di 2 outo a keda di skòrs

790
WILLEMSTAD,—- Ayera wes komisario a skòrs 2 hòmber ku ta wòrdu sospechá di ladronisia di dos outo. Ta trata aki di un Kia Rio i un Hyundai Elantra ku keda hòrtá, kual Ministerio Públiko ta sospechá  ku sea nan a hòrta esaki òf tabata den poseshon di e outo nan ku ta pertenesé na e outo nan.

Tur esaki despues ku wes komisario a bisa ku e dossier no ta kompletu i ku esaki no ta sufisiente komprendibel.

Tabata 10 di yanüari ku algun tipo lo a hòrta e vehíkulonan, unda ta sospechá ku di 10 di yanüari último pa 19 yanüari 2020 nan lo tabata den poseshon di esaki. Wes a bisa ku en bèrdat tin algun indikashon kontra di e sospechosonan H.H. i R.C. pero ayera e la disidi ku nan por keda di skòrs. Wes a evaluá e peso di kaso, esta loke tin komo prueba i e importansia pa e sospechoso nan keda di skòrs, unda finalmente el a bisa ku e libertat di e sospechosonan, ta pisa mas ku e interes pa nan keda será.

Ayera 4or di atardi a skòrs nan bou di kondishon ku nan mester keda alkansabel pa hustisia i mester koperá ku e investigashonnan. Tambe wes a bisa ku nan no por kometé niun echo kastigabel   durante nan libertat i si esaki pasa na lo pèrdè nan libertat inmediatamente. Abogado mr. Dickens a logra libertat pa e sospechosonan den e kaso.