Boston serka di akordá ku Kevin Pillar

80
Pillar lo duna e mènedjer interino Ron Roenicke e balanse di konta ku un batido derecho ku ademas lo ta un garantia defensivo pa e inennan final den kualkier partido.

FORT MYERS,– Medias Rojas di Boston ku semper ta okupá, ta sigui den notisia.

Jon Heyman di MLB Network a reportá ku e ekipo tabata serka di yega na un akuerdo ku e outfilder Kevin Pillar.

Medias Rojas no a komentá riba e potensial firma aki, pero e tin sentido. E outfildernan regular aktualmente di Boston , Andrew Benintendi, Jackie Bradley Jr. i Alex Verdugo, tur ta batidónan surdo.

Pillar lo duna e mènedjer interino Ron Roenicke e balanse di konta ku un batido derecho ku ademas lo ta un garantia defensivo pa e inennan final den kualkier partido.

Ounke posishon prinsipal di Pillar ta senterfild, e tin eksperensia den left i right tambe.

Pillar, di 31 aña,  a hunga henter su karera ku Blue Jays promé ku el a keda kambia ku Giants den e promé siman di temporada pasa. Ku San Francisco, el a bati 21 homerun i a laga .735 di OPS den 156 wega.

Si Red Sox logra atkerí Pillar, Bradley lo por  bolbe hañ’é enbolbí den rumornan di kambio. Bradley lo gana11 mion dòler den 2020 i lo bira agente liber na final di e temporada.