Cristiano ku gol di pinalti ta laga  ‘Juve’ bibu den San Siro

31
Fot cr-7: Cristiano Ronaldo ta depositá e bala leu for dje alkanse dje kiper milanes, Donnarumma. CR-7 a skor vários pinalti pa Dicha Signora e temporada aki.
 

MILAN,  – Suerte no a kompaña e ekipo di AC Milan pa diferente motibu.  E plantel lombardo no por hunga un mihó wega dilanti di su fanatikonan den  San Siro,  pero tampoko nan no por a optené viktoria.

Un pinalti den tempu di deskuento di kua a keda  transformá pa Cristiano Ronaldo, a sòru pa  eliminatorio den Coppa Italia keda pareu i lo mester bai keda disidí den e partido di buèlta.

Rebic a manda AC Milan dilanti 1-0 na di 61 minüt dje partido, pero manera nos a menshoná ariba CR-7 ta empatá esaki pa  medio di un pinalti pa asina e partido terminá ku skor di  1-1.

Zlatan den su promé partido kontra di Juventus no ta logra skor, miéntras ku su wega mes tabata un basta diskreto.

Kosnan Importante dje partido:

Milan: Donnarumma; Calabria, Kjaer, Romagnoli, Theo; Kessié, Bennacer, Çalhanoglu (Paquetá 87′), Castillejo (Alexis 80′); Rebic (Laxalt 74′), Ibrahimovic.

Juventus: Buffon; De Sciglio (Higuaín 69′), De Ligt, Bonucci, Alex Sandro; Matuidi (Rabiot 73′), Pjanic, Ramsey (Bentancur 63′); Cuadrado, Dybala, Cristiano Ronaldo.

Golnan: 1-0 M.61 Rebic, 1-1 M.90 Cristiano.

Rèfri: Paolo Valeri (Italia)  E la duna karchi hel na Ibrahimovic (29′), Theo (42′ di dos na di 71′), Kessié (58′), Castillejo (69′), Calabria (90′) / Ramsey (30′)

Insidensianan: Partido a tuma lugá den Estadio San Siro na Milan.