Dos hungadó di Ohio State akusá di violashon i sekuestro

35
Amir Riep i Jahsen Wint di Ohio State akusá di violashon i sekuestro.
COLUMBUS – E hungadónan di futbòl merikano, Amir Riep i Jahsen Wint, hungadónan di e ekipo Ohio State, ta enfrentando kargonan di violashon i sekuestro, relashoná ku un presunto insidente ku a tuma lugá siman pasá.

Tantu Riep komo Wint a keda enkarselá durante oranan di mardugá di djárason, despues ku a emití òrdunan di detenshon den nan kontra. Nan a keda akusá di delitonan sumamente grave di promé grado djamars último den e tribunal Munisipal di e kondado di Franklin (Ohio).

E ekipo Ohio State pa medio di un komunikado emití ayera durante dia, a atmití di tin konosementu di e kargonan i tambe arestonan, i ku ámbos hungadó a ser suspendé di tur aktividat di e ekipo.