Epidemia di grip ofisialmente den Hulanda

63
epidemia di grip ta dura un promedio di 13 siman
DEN HAAG—Na Hulanda a dekertá ofisialmente e epidemia di grip, segun instituto Nivel i Rijksinstituut voor Volksgezondheid en Milieu (RIVM).

Siman pasa e kantidat di hende ku a bai dòkter di kas ku kehonan di grip ta riba e norma epidemiko hasiendo esaki un echo. Den Hulanda 40 ofisina di dòkter di kas ta registrá kantidat di hende ku kehonan di grip. Ta papia di un epidemia di grip ora durante dos siman mas di 58 di 100.000 hende meldu na dòkter ku síntomanan di grip i 10% tin e vírùs di grip. E aña aki e epidemia ta mas lat, normal ta den desèmber òf yanüari. Den ultimo 10 aña e epidemia a dura promedio 13 siman. Den 2019 esaki a dura 14 siman. Djaluna ministerio di Salubridat a anunsiá ku ta bai tèst pashèntnan di grip riba e vírùs di corona. E síntomanan di e vírùs prosedente di China ta similar na grip. Si den e tèstnan konstatá e vírùs, e dòkter di kas mes mester mèldu esaki na GGD, ku por tuma e medidanan nesesario pa kombatí kontaminashon.